Գոռ Վարդանյանը ընտրվեց Հայաստանի ազգային պոլիտեխնիկական համալսարանի ռեկտոր

Հայաստանի ազգային պոլիտեխնիկական համալսարանի ռեկտոր ընտրվեց Գոռ Պատվականի Վարդանյանը:

Գոռ Վարդանյանը հավաքել է 17 կողմ, 5 դեմ ձայն։ Եղել է 1 անվավեր քվեաթերթիկ։ 

Արձանագրության տակ հրաժարվել են ստորագրել հանձնաժողովի 2 անդամներ՝ Գոհար Մամիկոնյանը և Վարդան Ալեքսանյանը։ Նրանք համարել են, որ կա որոշակի խախտում։ Բանն այն է, որ վավեր համարված 2 քվեաթերթիկների վերաբերյալ տարրակարծություն կար։ Հանձնաժողովի 3 անդամները համարել են դրանք վավեր, իսկ վերը նշված երկու անդամները համարել են անվավեր, ի վերջո ձայների մեծամասնությամբ այդ երկու քվեաթերթիկները վավեր են համարվել։ 

Հիշեցնենք, որ այսօր տեղի էր ունենում Հայաստանի ազգային պոլիտեխնիկական համալսարանի ռեկտոր ընտրության երկրորդ փուլը։ Առաջին փուլի ժամանակ 4 թեկնածուներից ոչ ոք բավարար թվով ձայներ չէր հավաքել և երկրորդ փուլ էր անցել Գոռ Վարդանյանը։