ՊՆ-ից՝ մարտի 16-20-ը անցկացվող զորավարժությունների մասին
Պլանային զորավարժություններ են, որոնք նախատեսված են եղել վաղուց: Այս մասին Auroranews-ի հետ զրույցում ասացին Պաշտպանության նախարարությունից՝ անդրադառնալով հարցին, թե ՀՀ-ում անցկացվող զորավարժությունները որքանո՞վ կապ ունեն Ադրբեջանում նախատեսվող զորավարժությունների հետ:
Հիշեցնենք՝ ՀՀ զինված ուժերը մարտի 16-ից 20-ը ՀՀ զինված ուժերի բոլոր օպերացիոն ուղղություններում անցկացվելու են մարտավարական և մարտավարամասնագիտական համատեղ զորավարժություններ, համազորային, զորատեսակների և հատուկ զորքերի ստորաբաժանումների ընդգրկմամբ:
Ավելի վաղ էլ Ադրբեջանի Զինված ուժերը հայտարություն էր տարածել, որում նշվում էր, որ նախատեսում են մարտի 15-18-ը ընկած ժամանակահատվածում լայնածավալ զորավարժություններ անցկացնել:
