Ո՞ր երկրի առաքման սակագներն է իջեցվել 35%-ով. Հայփոստ

Դեպի Ֆրանսիա առաքման սակագները իջեցվել են ավելի քան 35 տոկոսով։ Տեղեկությունը հայտնում է «Հայփոստի» մամուլի ծառայությունը։
«Նման հնարավորություն ստեղծվել է «Հայփոստի» և Ֆրանսիայի փոստի ազգային օպերատոր` La Poste-ի հետ բանակցությունների արդյունքում»,– նշված է հաղորդագրության մեջ:

Ընկերության Facebook–յան էջում նշված է, որ մինչև 1 կգ ծանրոցի համար սահմանվել է 9 900 դրամ` նախկին 14 900 դրամի փոխարեն:

Յուրաքանչյուր հավելյալ լրիվ և ոչ լրիվ կիլոգրամի համար սահմանվել է 2 900 դրամ` նախկին 6 000 դրամի փոխարեն։