ԱՄՆ-ի ու Չինաստանի ղեկավարներն առաջին բանակցություններն են անցկացրել

ԱՄՆ նախագահ Ջո Բայդենն առաջին հեռախոսազրույցն է ունեցել Չինաստանի նախագահ Սի Ծինփինի հետ, որի ժամանակ կողմերը քննարկել են մի շարք ակտուալ հարցեր։ Այս մասին հայտնում է Սպիտակ տան մամուլի ծառայությունը։

Հայտարարության մեջ նշվում է, որ առաջին հեթին Սպիտակ տան ղեկավարն Ամանորի կապակցությամբ շնորհավորել է իր գործընկերոջը և ողջ չինացի ժողովրդին։

Այնուհետև Բայդենը հաստատել է, որ իր համար առաջնահերթ են համարվում ամերիկացի ժողովրդի անվտանգության ապահովումը, բարգավաճումը, առողջությունն ու կենսակերպը, ինչպես նաև Հնդկական-Խաղաղօվկիանոսյան տարածարջանի ազատ և բաց լինելը։
Բայդենն անհանգստություն է արտահայտել՝ կապված Հոնկոնգում, Սինցզյան-Ույղուրի ինքնավար շրջանում և Թայվանում բռնաճնշումների հետ։

Հեռախոսազրույցի ընթացքում կողմերը նաև քննարկել են COVID-19-ի համավարակին դիմակայելու միջոցառումները և առողջապահության ոլորտում գլոբալ անվտանգության ընդհանուր խնդիրները, կլիմայական փոփոխություններին և զենքի տարածումը կանխելուն վերաբերող հարցեր։