Երեւանի փոխքաղաքապետը պարզաբանել է մանկապարտեզներ ընդունվելու հետ կապված խնդիրների պատճառը

Մոտ ապագայում քաղաքի մանկապարտեզներ հաճախելու կազմակերպման առումով կարող են փոփոխություններ լինել: Այս մասին փետրվարի 9-ին Երեւանի ավագանու նիստից հետո հարցուպատասխանի ժամանակ ասաց փոխքաղաքապետ Գայանե Մելքոնյանը:

Նա պարզաբանեց, որ խմբերը կարող են մեծացվել՝ հասցնելով մինչեւ 20 երեխայի, 18-ի փոխարեն: «Ընդունելության հետ կապված ծանր իրավիճակի պատճառը առողջապահության նախարարության կողմից կորոնավիրուսի համար մտցված սահմանափակումներն են:

Եթե սահմանափակումները հանվեն կամ մեղմացվեն, պատկերը կփոխվի»,- ասաց Մելքոնյանը: Փոխքաղաքապետը պարզաբանեց, որ եթե սահմանափակումները մեղմացվեն, առաջնահերթությունը կտրվի այն երեխաներին, ովքեր պետք է շարունակեն հաճախումները (ընդհանուր առմամբ նրանք մոտ 3000 են), իսկ այնուհետեւ արդեն այն երեխաներին, ովքեր սպասում են հաստատություն ընդունվելուն (նրանք մոտ 12 000 են)։