Իրաքում երկու մահապարտ ահաբեկիչներ իրենց պայթեցրել են այն պահին, երբ հետապնդվում էին իրավապահների կողմից. կան զոհեր

Բաղդադի կենտրոնում այսօր տեղի ունեցած ահաբեկչության հետևանքով զոհերի թիվը հասել է 28-ի։ Ինչպես հայտնել է Al Arabiya հեռուստաալիքը, առնվազն 73 մարդ տարբեր ծանրության վնասվածքներ է ստացել:

Հեռուստաալիքի տեղեկություններով՝ Ատ Տայարան հրապարակի շրջանում, որտեղ գտնվում է շուկան, երկու, միմյանց հաջորդող պայթյուն է որոտացել:

Իրաքի բանակի ներկայացուցչի խոսքով՝ «ահաբեկչական հարձակումն իրականացվել է երկու մահապարտ ահաբեկիչների կողմից, որոնք իրենց պայթեցրել են այն պահին, երբ հետապնդվում էին անվտանգության ծառայության աշխատակիցնեի կողմից»: Դեպքի վայր են ժամանում շտապօգնության մեքենաները։