ՏԵՍԱՆՅՈՒԹ. Շնորհավորանքներ և ուրախության ճիչեր. հայրենիք վերադարձած գերիների անունները հրապարակվեցին

«Էրեբունի» օդանավակայանում այսօր երեկոյան էմոցիաները բուռն էին։ Հարազատները, բարեկամները, ընկերները բակում հավաքվել էին՝ հույսով, որ Բաքվից Ռուսաստանի ջանքերով Հայաստան վերադարձած 44 գերիների ցուցակում կլսեն իրենց հարազատի անունը։

Յուրաքանչյուր անվան հրապարակում ուղեկցվում էր ուրախության ճիչերով, գրկախառնություններով, շնորհավորանքներով , ոմանց մոտ՝ հայրանվան կամ ազգանվան չհամընկնելու դեպքում՝ ափսոսանքով։

NEWS.am-ի թղթակիցը  նկարահանել է ցուցակների հրապարակման խիստ հուզիչ կադրերը։

Նշենք, որ հարազատներն օդանավակայանում չտեսան վերադարձածներին։ Նրանց միանգամից տեղափոխեց հիվանդանոց՝ բուժզննում անցնելու։