Ներկայացուցիչների պալատ է ներկայացվել Արցախի անկախության մասին բանաձև

Ներկայացուցիչների պալատ է ներկայացվել Արցախի անկախության մասին բանաձև, որի հեղինակը պալատի անդամ Գրեյս Նապոլիտանոն է։ ԱՄՆ կոնգրեսականը Միացյալ Նահանգներին կոչ է արել պաշտոնապես ճանաչել Արցախի Հանրապետության անկախությունը:

«Արցախի պատմությունը շատ նման է Ամերիկայի պատմությանը՝ ազատ ժողովրդի հաղթանակ օտար տիրապետության հանդեպ: Այդ հանրապետության քաղաքացիները մարմնավորում են մեր Անկախության հռչակագրի բառերը, որոնք հաստատվել են ամերիկացիների և ամբողջ աշխարհի համար՝ կառավարության իշխանությունը բխում է ժողովրդից:

Փաստաթղթերով հիմնված այն պատմական իրողությանը, որ Արցախը հազարամյակներ շարունակ եղել է Հայաստանի անբաժան մասը, կարող ենք ավելացնել Արցախի հիմնավորված իրավական դիրքը՝ որպես անկախ հանրապետություն: Սակայն այսօր ամենակարևորն այն է, որ, Արցախի քաղաքացիների ուղղությամբ Ադրբեջանի, Թուրքիայի և նրանց՝ Իսլամական պետության դաշնակիցների կողմից հրթիռների և ռումբերի անձրևի պարագայում, ազատությունը չի նշանակում միայն պատմությունը պատվել կամ կիրառել օրենքները:

Ազատությունն Արցախի գոյատևման միակ պատասխանն է: Անջատում՝ հանուն փրկության, որը հիմնված է պատմության, օրենքների և գոյատևման վրա: Հետդարձի ճանապարհ չկա: Արցախը չպետք է վերադառնա Ադրբեջանի կազմ: Առաջ ընթանալու ճանապարհն ազատությունն է: Այդ իսկ պատճառով ես կոչ եմ անում, որպեսզի ԱՄՆ-ը պաշտոնապես ճանաչի Արցախի Հանրապետության անկախությունը».- ասված է բանաձևում: 

[757510d0c74e9b88f81cfde8a54f479f.jpg]