Դիմակ կրելու պահանջն ուժի մեջ է
Կարանտինի պայմաններում դիմակների կրումը պարտադիր է։ Այս մասին Auroranews-ի հետ զրույցում հայտնեց ՀՀ վարչապետի մամուլի խոսնակ Մանե Գեւորգյանը՝ կարևորելով, որ առայժմ պարտադիր կմնան նաեւ սոցիալական հեռավորության պահպանման, ախտահանման վերաբերյալ արտակարգ դրության պայմաններում եղած պահանջները։
Այսուհետ, սակայն, պարետատան փոխարեն կորոնավիրուսի վերաբերյալ որոշումներ կկայացնի Առողջապահության նախարարությունը։ Պարետատունն այսօրվանից չկա, չի գործելու։ Եթե նախկինում կար պարետատուն, ապա հիմա իրավիճակը կարգավորվելու է Առողջապահության նախարարի որոշումներով։
Հիշեցնենք, որ Կառավարության այսօրվա որոշմամբ՝ Հայաստանում այսօր ժամը 17-ից մինչև 2021թ հունվարի 11-ը սահմանվում է կարանտին:
