Վրաստանի վարչապետը ուսումնական հաստատությունների աշխատակիցներին կոչ է անում չգնալ աշխատանքի
Վրաստանի վարչապետ Գիորգի Գախարիան կոչ է անում ուսուցիչներին և ուսումնական հաստատությունների աշխատակիցներին , օգոստոսի 15-ից Աջարիայում կամ այլ համավարակաբանական բարձր ռիսկ ունեցող տարածաշրջաններում գտնվելու դեպքում, ձեռնպահ մնալ աշխատանքի ներկայանալուց: Այս մասին գրել է 1TV.ge-ն։
«Ես կցանկանայի կոչ անել բոլոր այն մարդկանց, առաջին հերթին ուսուցիչներին կամ ուսումնական հաստատությունների աշխատակիցներին, ովքեր վերջին երկու շաբաթվա ընթացքում գտնվում էին Աջարիայում կամ այլ համավարակաբանական ռիսկեր ունեցող տարածաշրջաններում, երկու շաբաթով ձեռնպահ մնան աշխատանքի ներկայանալուց և այդ մասին տեղյակ պահեն համապատասխան գերատեսչություններին»,- հայտարարել է կառավարության ղեկավարը:
