Ժիրինովսկին պատվաստվել է կորոնավիրուսի դեմ
Պետդումայի Լիբերալ-դեմոկրատական խմբակցության ղեկավար Վլադիմիր Ժիրինովսկին պատվաստվել է ընդդեմ կորոնավիրուսային վարակի։ Այս մասին հայտնում է «Известия»-ն՝ հղում անելով կուսակցության մամուլի ծառայությանը։
Նշվում է, որ քաղաքական գործիչն այս հիվանդության դեմ առաջին պատվաստվողներից է։ Նա դարձել է կորոնավիրուսի դեմ աշխարհում առաջին՝ «Спутник V» պատվաստանյութի կլինիկական փորձարկումների կամավոր մասնակից։ Պատվաստանյութը մշակել են Գամալեայի անվան կենտրոնի մասնագետները։
Պատվաստումը կատարվում է երկու փուլով։ Երկրորդ ներարկումը կկատարվի 3 շաբաթ անց, որից հետո բժիշկները կես տարի կհետևեն նրա առողջական վիճակին։
