Լոս Անջելեսում իրավապահները սևամորթի են սպանել. դեպքի վայրում բողոքի ցույցեր են
Լոս Անջելեսի շրջանի շերիֆի գրասենյակի աշխատակիցները երկուշաբթի գիշերն ատրճանակով զինված աֆրոամերիկացու են գնդակահարել, ով դիմադրություն էր ցույց տվել ոստիկանության աշխատակիցներին: Այս մասին երեքշաբթի հայտնում է ABC հեռուստաընկերությունը` վկայակոչելով շերիֆի գրասենյակի ներկայացուցչին:
Հաղորդվում է, որ ստիկանությունը փորձել է կանգնեցնել աֆրոամերիկացուն, ով ընթանում էր հեծանիվով` խախտելով երթեւեկության կանոնները: Երբ ոստիկանությանը դա հաջողվել էր, նրանց եւ օրինախախտի միջեւ քաշքշուկ էր սկսվել: Դրա ընթացքում աֆրոամերիկացին կիսաավտոմատ ատրճանակ էր վայր գցել: Շերիֆի ներկայացուցչի խոսքով` դրանից հետո ոստիկանությունը մի քանի անգամ կրակել են օրինախախտի վրա, հայտնում է ՏԱՍՍ-ը:
Շերիֆի գրասենյակը հայտնել է, որ այժմ ընթանում է միջադեպի հետաքննությունը: Դեպքի վայրում մի շարք ցուցարարներ են հավաքվել:
