Չեխիան փրկարարներ կուղարկի Բեյրութ

Չեխիայի Հանրապետությունը Բեյրութ կուղարկի փրկարարների խումբ, որոնք մասնագիտացած են շենքերի փլատակներում մարդկանց որոնումների գործում, սոցիալական ցանցերում հայտնել է երկրի փոխվարչապետ և ներքին գործերի նախարար Յան Գամաչեկը:

«37 փրկարարներից, ներառյալ հինգ փրկարար-կինոլոգներից բաղկացած ջոկատը պատրաստ է ուղևորվելու Բեյրութին օգնության», - նշել է նա:

Լիբանանյան կողմն ընդունել է օգնության առաջարկությունը:Չեխ փրկարարների ջոկատը Բեյրութ կմեկնի Կենտրոնական Եվրոպայի ժամանակով ամենաուշը 16:00-ին (Երևանի ժամանակով 19:00-ին):

Չեխիայի վարչապետ Անդրեյ Բաբիշը վիթխարի ողբերգություն Է համարել պայթյունը, որը հանգեցրել է բազմաթիվ զոհերի:

«Մենք պատրաստ ենք ամեն տեսակի օգնության», - հայտարարել է քաղաքական գործիչը:

Ըստ վերջին տվյալների՝ պայթյունի հետևանքով զոհվել է ավելի քան 100 մարդ, մոտ 4 հազարը տուժել է: