Սահմանադրական դատարանում Ռոբերտ Քոչարյանի վերաբերյալ գործի քննությանն անկողմնակալ չլինելու որևէ հիմք չեմ տեսնում, լրագրողներին ասաց ՍԴ դատավորի թեկնածու Վահրամ Ավետիսյանը։

«Ես որևէ ընդհանուր շահ չունեմ, որպեսզի շահերի բախման խնդիր առաջանա», - ասաց նա։

Վահրամ Ավետիսյանը նշեց՝ եթե կլինի կոնկրետ այնպիսի գործ, որի շրջանակներում Վճռաբեկ դատարանն ինչ-որ իրավական դիրքորոշում է արտահայտել, որոշում է կայացրել ու այդ որոշման կայացմանը մասնակից է եղել իր հայրը ու դա կարող է դիտարկվել շահերի բախում, ինքը, բնականաբար, գործի քննությանը չի մասնակցի։

Նշենք, որ Վահրամ Ավետիսյանի հայրը՝ Դավիթ Ավետիսյանը, 2008-2016 թթ. եղել է Վճռաբեկ դատարանի քրեական պալատի նախագահը, քննել է Մարտի 1-ին առնչվող գործեր։