ՏԵՍԱՆՅՈՒԹ. Մոսկվայում հայերի ուղղությամբ կրակոցն արձակվել է տրավմատիկ ատրճանակից, գիշերը. Դավիթ Տոնոյան
Մոսկվայում ադրբեջանցիների կողմից հայերի վրա իրականացվող հարձակումները շարունակվել են ողջ գիշեր: Այժմ Մոսկվայում հարաբերական անդորր է, թեև միջադեպեր լինում են: Այս մասին Ավրորանյուզի հետ զրույցում ասել է Ռուսաստանի հայերի միավորման համանախագահ Դավիթ Տոնոյանը:
Նա մասնավորապես նշել է, որ գիշերը կրակոցներ հնչել են, հայերի ուղղությամբ տրավմատիկ ատրճանակից, տուժածները տեղեկություններով 3-ն են: Ինչ վերաբերում է երեկ գիշեր ադրբեջանցիների կողմից դանակահարված քաղաքացուն և ծեծի ենթարկվածներին, ապա վերջիններս հիվանդանոցներում չեն մնացել, իսկ ահա դանակահարված քաղաքացին գիշերը դուրս է գրվել հիվանդանոցին:
Անդրադառնալով համացանցում տարածված այն տեղեկություններին, թե հայերն ի պատասխան նույնպես հարձակում են գործում ադրբեջանական հաստատությունների ուղությամբ, Տոնոյանը մեզ հետ զրույցում հերքեց այդ տեղեկությունը, նշելով, որ հայերը նման քայլերի չեն դիմել, հայերի գործողությունները եղել են ինքնապաշտպանական բնույթի:
