Կարո՞ղ եք չծվծվալ տեղից. Իվետա Տոնոյանը՝ ԱԺ-ում
Անդերսոնը հեքիաթասացության ոլորտում լուրջ մրցակից ունի այսօր, սակայն ձեզ չի հաջողվելու որեւէ մեկին համոզել, որ ձեր ներկայացրած միջնորդության հիմքում կա որեւէ փաստ, որը անմիջական կերպով առնչվում է Գագիկ Ծառուկյանին: ԱԺ-ում «Բարգավաճ Հայաստան» խմբակցության անդամ Իվետա Տոնոյանը գլխավոր դատախազին ուղղված իր հարցը այսպես սկսեց:
Այնուհետեւ Տոնոյանը հետաքրքրվեց, թե 2017-ին լինելով գլխավոր դատախազ՝ ինչո՞ւ մամուլում հրապարակված բազմաթիվ կաշառքի փաստերով նման մեղադրանքներ չեն առաջադրել:
Պատասխանելով Տոնոյանին՝ գլխավոր դատախազը նախ ընդգծեց, որ ինքը այսօր իր միջնորդագրում հրապարակել է ապացույցների շատ փոքր զանգված, որոնք արդեն իսկ անմիջականորեն հիմնավորում են Գագիկ Ծառուկյանի կապը, եւ դրանք ավելի քան բավարար են՝ վերջինիս նկատմամբ քրեական հետապնդում իրականացնելու համար:
Իվետա Տոնոյանի հարցերի պահին դահլիճում ձայներ լսվեցին. «Կարո՞ղ եք չծվծվալ տեղից»,- գործընկերներին դիմեց բորբոքված պատգամավորը:
