ՏԵՍԱՆՅՈՒԹ. Կրասնոդարում ոստիկանները ծեծի են ենթարկել դպրոցականին բարձր երաժշտություն լսելու համար. նա հոսպիտալացվել է

Կրասնոդարի երկրամասի Թեմրյուկ քաղաքում  բնակիչները ոստիկանություն են ահազանգել և հայտնել, որ բնակարաններից մեկում բարձր երաժշտություն է հնչում և այն անհանգստացնում է բնակիչներին: Ոստիկանության աշխատակիցները մեկնել են նշված վայր, սակայն ոստիկանների և տան  անչափահաս բնակչի միջև վեճ է առաջացել և ոստիկանները ծեծի են ենթարկել երիտասարդ դպրոցականին: Այս մասին հայտնում է  НТВ-ն:  
Դպրոցականը հոսպիտալացվել է:  
Սակայն դեպքից ժամեր անց ոստիկանները որոշել  այցելել հիվանդանոց, որտեղ գտնվում է իրենց կողմից ծեծի ենթարկված տղան, բայց ոչ այն պատճառով, որ նրա առողջականի մասին տեղեկանան, այլ ավարտին հասցնեն կիսատ թողնած գործը:  
Այս միջադեպը արժանացավ հասարակության քննադատությանը և մարդիկ մեղադրեցին իրաապահ մարմիններին անչափահաս տղային ծեծելու համար: Ավելի ուշ հրապարակվեց տեսանյութ, որում երևում է, թե ինչպես են ոստիկանները ուժ կիրառում տղայի վրա և սպառնում նրան: