Հրայր Թովմասյանը և Վահե Գրիգորյանը պարգևավճար չեն ստանում․ ՍԴ աշխատակազմի ղեկավար
Սահմանադրական դատարանի դատավորների աշխատավարձերը սահմանված են օրենքով, իսկ նրանց պարգևավճարները հիմնականում սահմանվում են աշխատանքային փորձին համպատասխան։ Այս մասին այսօր Ազգային ժողովի պատգամավորներից մեկի հարցին պատասանելիս նշեց ՍԴ աշխատակազմի ղեկավարը։
Էդգար Ղազարյանը մանրամասնեց, որ պարգևավճարները տրվում են ՍԴ նախագահի կարգադրությամբ։ Ինչ վերաբերում է առանձին դեպքերին, Ղազարյանը հայտնեց, որ ինքը՝ ՍԴ նախագահ Հրայր Թովմասյանը, հրաժարվել է պարգևավճարներից և իր կարգադրություններում բացառում է իրեն այդ գումարի տրամադրումը։
Ղազարյանը նաև նշեց, որ մի քանի ամիս է, ինչ պարգևավճար չի տրվում նաև ՍԴ դատավոր Վահե Գրիգորյանին։ Աշխատակազմի ղեկավարը բացատրեց, որ այդ որոշումը պայմանավորված է նրանով, որ Գրիգորյանը չի մասնակցում ՍԴ նիստերին։
