Գործընկերները պատմել են Եֆրեմովի մասնակցությամբ ավտովթարից մահացած գործընկերոջ մասին
Ապրանքների առաքման ինտերնետ-խանութը ցավակցություն է հայտնել կազմակերպության աշխատակից Սերգեյ Զախարովի հարազատներին ու մերձավորներին նրա մահվան կապակցությամբ: Հիշեցնենք, որ Սերգեյ Զախարովը մահացել է Մոսկվայի կենտրոնում տեղի ունեցած խոշոր ավտովթարից, որը տեղի էր ունեցել դերասան Միխայիլ Եֆրեմովի վարած Jeep Grand Cherokee ավտոմեքենայի մասնակցությամբ: Այս մասին գրում է ria.ru-ն։
«Սերգեյը 57 տարեկան էր ։ Նա մեզ հետ աշխատել է ավելի քան երկու տարի, նրան գիտեին և սիրում էին մեր շատ գնորդներ։ Նա բարի, պատասխանատու, աշխատասեր մարդ էր», - ասված է Вконтакте սոցցանցում հրապարակված հաղորդագրությունում։
Ընկերությունում նաև խոստացել են ֆինանսապես օգնել մահացածի ընտանիքին:
Հիշեցնենք, որ երեկ՝ երեկոյան, Սմոլենսկի հրապարակում գտնվող թիվ 3 տան մոտ Jeep Grand Cherokee ավտոմեքենայի վարորդ Միխայիլ Եֆրեմովը դուրս է եկել հանդիպակաց երթևեկելի գոտի և բախվել Lada ավտոմեքենային ։ Վթարի հետևանքով տուժել է Lada-ի վարորդը, որը ավելի ուշ հիվանդանոցում մահացել է: Ոստիկանությունը ձերբակալել է Եֆրեմովին և ուղարկել բժշկական քննության։ Փորձաքննությունը պարզել է, որ դերասանը ղեկին հարբած է եղել։
