COVID 19-ի համաճարակային իրավիճակի և ճգնաժամի կառավարման առումով Վրաստանն աշխարհի ամենահաջողակ երկրներից է. Գախարիա
Մենք աշխատել ենք զբոսաշրջության ոլորտի վերականգնումն արագացնելու ուղղությամբ, Էկոնոմիկայի նախարարությունն էլ շատ մեծ աշխատանք է տարել: Այս մասին ասել է Վրաստանի վարչապետ Գիորգի Գախարիան և հավելել, որ կորոնավիրուսով պայմանավորված համաճարակային իրավիճակի և ճգնաժամի կառավարման առումով Վրաստանն աշխարհի ամենահաջողակ երկրներից է, և միջազգային հանրությունն ընդունում է այդ փաստը: Այս մասին գրում է kvira.ge կայքը:
«Ինչպես հայտնի է, Վրաստանն այսօր աշխարհի ամենահաջողակ երկրներից է համաճարակային իրավիճակի և ճգնաժամի կառավարման առումով: Միջազգային հանրությունն ընդունում է այդ փաստը, և շատերը Վրաստանը հայտարարել են առաջին և ամենալավ զբոսաշրջային ուղղություններից մեկը»,-հայտարարել է Վրաստանի վարչապետը:
