Հասարակություն

Արցախում կիջեցվեն ռոումինգի և ևս 7 ներքին ծառայությունների սակագներ

Արցախում կիջեցվեն ռոումինգի և ևս 7 ներքին ծառայությունների սակագներ
Հունիսի 8-ին Ազգային ժղովի նախագահ Արթուր Թովմասյանն ընդունել է Արցախի Հանրապետության հանրային ծառայությունները եւ տնտեսական մրցակցությունը կարգավորող պետական հանձնաժողովի նախագահ Միքայել Վիրաբյանին…

Հունիսի 8-ին Ազգային ժղովի նախագահ Արթուր Թովմասյանն ընդունել է Արցախի Հանրապետության հանրային ծառայությունները եւ տնտեսական մրցակցությունը կարգավորող պետական հանձնաժողովի նախագահ Միքայել Վիրաբյանին եւ հանձնաժողովի պատասխանատուներին:

Միքայել Վիրաբյանը, շնորհակալություն հայտնելով ընդունելության համար, ԱԺ նախագահին է ներկայացրել հանձնաժողովի գործունեության հիմնական ոլորտները եւ դրանցում սպասվող փոփոխությունները: Հանձնաժողովի նախագահը, խոսելով առաջիկայում սպասվող փոփոխությունների մասին, նշել է, որ հուլիսի 1-ից կիջեցվեն հեռախոսակապի ռոումինգ ծառայության եւ եւս 7 ներքին ծառայությունների սակագներ: Միքայել Վիրաբյանի փոխանցմամբ, այդ ոլորտի հաջորդ նվազումը նախատեսվում է հունվարի 1-ից:

ԱԺ նախագահ Արթուր Թովմասյանը, գոհունակություն հայտնելով հանձնաժողովի կատարած աշխատանքից, հույս է հայտնել, որ բարեփոխումները շարունակական բնույթ կկրեն եւ կտարածվեն նաեւ հանձնաժողովի շրջանակում կարգավորվող մյուս ոլորտներում:

Հանձնաժողովի աշխատանքների հետագա զարգացման գործում երկուստեք կարեւորվել է օրենսդրական դաշտում համապատասխան փոփոխությունների անհրաժեշտությունը:

Հանդիպմանը մասնակցել է նաեւ ԱԺ արտադրության եւ արտադրական ենթակառուցվածքների հարցերի մշտական հանձնաժողովի նախագահ Վլադիմիր Կասյանը:

Նմանատիպ հոդվածներ

Ավելին Հասարակություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7790) Միջազգային (3467) ԱՄՆ (2325) Ռուսաստան (2171) Իրան (1760) Ընտրություններ (1275) Ուկրաինա (859) Երևան (813) Իսրայել (761) Ադրբեջան (649) Փաշինյան (570) Եվրոպա (522) Ազգային ժողով (463) Ընդդիմություն (455) Թրամփ (437)

Radio Aurora

Լսել Radio Aurora

Գովազդային տարածք

300x250