Աննա Հակոբյանը շնորհավորել է հայ խաղաղապահներին տոնի կապակցությամբ
ՀՀ վարչապետի տիկին, «Իմ քայլը» և «City of smile/Ժպիտների քաղաք» բարեգործական հիմնադրամների հոգաբարձուների խորհրդի նախագահ Աննա Հակոբյանը ֆեյսբուքյան իր էջով շնորհավորել է հայ խաղաղապահներին տոնի կապակցությամբ՝ նրանց հետ լուսանկար հրապարակելով:
Հակոբյանը, մասնավորապես, գրել է.
«Մայիսի 29-ը խաղաղապահների միջազգային օրն է։
Արդեն 16 տարի է Հայկական զինված ուժերը նույնպես մասնակցում են միջազգային խաղաղապահ առաքելություններին՝ համարվելով միջազգային անվտանգության երաշխավորը և փաստելով, որ մարդասիրությունը՝ բացարձակ արժեք է...
Շնորհավորում եմ հայ խաղաղապահներին տոնի կապակցությամբ՝ մաղթելով անփորձանք ծառայություն և նոր ձեռքբերումներ միջազգային հարթակներում:
2019թ. հուլիս, Լիբանանում խաղաղապահ առաքելություն իրականացնող հայ զինծառայողների հետ»,- գրել է նա:
