Վրաստանում մայիսի 23-ից կչեղարկվի արտակարգ դրությունը
Վրաստանի վարչապետ Գիորգի Գախարիան հայտարարել է, որ երկրում կորոնավիրուսի համավարակի պատճառով սահմանված արտակարգ դրությունը կչեղարկվի մայիսի 23-ին: Այս մասին տեղեկացնում է pia.ge կայքը:
«Մենք որոշում ենք ընդունել, որ այլևս չենք դիմի նախագահին և խորհրդարանին արտակարգ դրությունը երկարացնելու խնդրանքով»,-տեղեկացրել է վարչապետը:
Գախարիայի խոսքով՝ արտակարգ դրության չեղարկումը դեռևս չի նշանակում, որ բոլոր սահմանափակումները կչեղարկվեն:
