Փրկարարները ներս են տարել ոչ սթափ վիճակում պատշգամբից կախված տղամարդուն

Ճգնաժամային կառավարման ազգային կենտրոն մայիսի 10-ին, ժամը 21:45-ին ահազանգ է ստացվել, որ  Երևանի Ա․ Խաչատրյան փողոցի թիվ 1 շենքի բնակարաններից մեկի բնակիչը կախվել է պատշգամբից։ Այս մասին հայտնեցին ՀՀ ԱԻՆ տեղեկատվության և հասարակայնության հետ կապերի վարչությունից։

Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և հոգեբանական աջակցության բաժնի հրահանգիչը։

 Պարզվել է, որ քաղաքացի Արա Գ․-ն (ծնված 1973 թ․) գտնվում է ոչ սթափ վիճակում, նստել է պատշգամբին և հրաժարվում է իջնել։

Փրկարարները բացել են բնակարանի դուռը և պատշգամբից ներս բերել քաղաքացուն։