Ողբերգական ավտովթար Կոտայքում. ճակատ-ճակատի բախվել են Lada Priora-ն ու ВАЗ 2106-ը. վարորդները մահացել են
Այսօր՝ ապրիլի 23-ին, խոշոր ու ողբերգական ավտովթար է տեղի ունեցել Կոտայքի մարզում: Ժամը 18:00-ի սահմաններում Հրազդան-Հանքավան ավտոճանապարհի Աղավնաձոր գյուղի վարչական տարածքում ճակատ-ճակատի բախվել են ВАЗ և Lada Priora մակնիշի ավտոմեքենաները: Այս մասին հայտնում է Shamshyan.com կայքը:
Բախման հետևանքով 06-ը դուրս է եկել ճանապարհի երթևեկելի գոտուց և հայտնվել ձորակում: Վթարի հետևանքով 2 վարորդները տեղում մահացել են:
Մահացածների մարմինները ավտոմեքենաներից դուրս են բերել փրկարարները, ճանապարհային ոստիկաններն ու քաղաքացիները և օպերատիվորեն ժամանած Հրազդանի հիվանդանոցի շտապօգնության բրիգադը տեղափոխել է Հրազդան բժշկական կենտրոն:
Ոստիկանությունն ու քննչական բաժինը պարզում են մահացած վարորդների ինքնությունը:
