Մամուլում շրջանառվող տեղեկություններն այն մասին, որ ոստիկանության ծառայողներին զրկել են մարտ ամսվա պարգևավճարներից չի համապատասխանում իրականությանը:

Այս մասին Irakanum.am-ին հայտնել են ՀՀ ոստիկանության լրատվության վարչությունից:

Հարցին, թե արտակարգ դրության պայմաններում աշխատած ոստիկանության ծառայողերին ինչո՞ւ են զրկել պարգևավճարներից, վարչության պետի տեղակալ Էդգար Ջանոյանը նշեց․ «Նման որոշում չկա, տեղեկությունն իրականությանը չի համապատասխանում: Ոստիկանության ծառայողները կստանան մարտ ամսվա պարգևավճարները սահմանված կարգով»: