Սա զավեշտ չի, պարոն նախարար, սա այլեւս ողբերգություն է. Նաիրա Զոհրաբյանը՝ Արայիկ Հարությունյանին

Աժ ԲՀԿ-ական պատգամավոր Նաիրա Զոհրաբյանը պատասխանել է ԿԳՄՍ նախարար Արայիկ Հարությունյանին, ով ֆեյսբուքի իր էջում ավելի վաղ գրել էր. «Արդեն զավեշտի է վերածվում: «Մեզ են դիմել հարյուրավոր, հազարավոր, բազմաթիվ քաղաքացիներ էս ինչ հարցով»: Հենց ասում ես` գոնե երեք հոգու տվյալ տուր կոնկրետ խնդրով զբաղվենք, հասկանանք` որտեղ է պրոբլեմը, փոխանցվում է առավելագույնը մի քաղաքացու տվյալ»:

«Հիմա պարոն Հարությունյան, ինձ յուրաքանչյուր օր դիմում է, այո, մի քանի հարյուր, կրկնում եմ, մի քանի հարյուր ՀՀ քաղաքացի և շատ դեպքերում անգամ բոլորին պատասխանելը գրեթե անհնար է:

Ու քանի որ Ձեր գրառումից ոնց որ թե հասկացա, որ պատրաստ եք մեր հայրենակիցների խնդիրները լսել և ինչպես գրել եք`
խնդրով զբաղվել, եթե դեմ չեք, ես Ձեզ կփոխանցեմ ինձ հասցեագրված նամակների 1 տոկոսը: Շնորհակալ կլինեմ, եթե գոնե էդ մի տոկոսի խնդրով զբաղվեք:
Իսկ որպեսզի վստահ լինեք, թե օրական ինչ ծավալի է նամակների քանակը, տեղադրեմ միայն մեսենջերով, միայն վերջին 2-3 ժամվա ընթացքում մեր քաղաքացիներից ստացածս դիմումները:
Բնականաբար` ծածկելով նրանց պրոֆիլները:

Հ.Գ. Մի՛ արեք, պարզապես մի՛ արեք»,- գրել է Զոհրաբյանը՝ կից ներկայացնելով օգտատերերից ստացված նամակների լուսանկարները: