Աջակցությունը փայտ և աթար վառողների համար է. պատգամավորը մեկնաբանում է

Այսօր կառավարությունը որոշում կայացրեց վճարել այն բնակիչների կոմունալների 50%-ը, ովքեր փետրվարին օգտագործել են 10 000 դրամից քիչ գազ և 5 000 դրամից քիչ էլեկտրաէներգիա: 

Ուշագրավ է, հատկապես, ԱԺ իմքայլական պատգամավոր Գևորգ Պապոյանի ֆեյսբուքյան գրառումը այս կապակցությամբ. «ՀՀ գյուղաբնակ և քաղաքաբնակ հարյուր հազարավոր քաղաքացիներ ձմռանը ոչ թե գազ կամ էլեկտրաէներգիա են օգտագործում, այլ փայտ և աթար, և այս մարդիկ, այո՛, օգտագործում են 10 հզ դրամից քիչ գազ և 5 հզ. դրամից քիչ էլեկտրաէներգիա։ Բացի այդ, այս քաղաքացիների զգալի մասը սոցիալապես խոցելի խմբերում է և նրանց համար 5 կամ 7 հազար դրամի աջակցությունը ևս կարևոր է։

Ահա թե որտեղից է առաջացել աջակցության 11-րդ ծրագրի 220,000 շահառուների թիվը, իսկ այդ ընտանիքներում ապրում է մինչև 600000 մարդ»,- գրել է նա։