Մեր առօրյա շփումները, առօրյա կյանքը ավելի վտանգված է վարակվելու առումով, քան ընտրությունները. Արայիկ Հարությունյան
Ընտրությունը ամենաքիչ ռիսկն է պարունակում։ Այս մասին այսօր՝ ապրիլի 12-ին, Արցախի հանրային հեռուստաընկերության ուղիղ եթերում ասաց Արցախի նախագահի թեկնածու Արայիկ Հարությունյանը` անդրադառնալով համավարակի պարագայում ընտրությունների երկրորդ փուլը անցկացնելու մտահոգություններին։
«Մեր առօրյա շփումները, առօրյա կյանքը ավելի վտանգված է վարակվելու առումով, քան ընտրությունները, որտեղ պահպանվում են կանոնները»,- ասաց նա։
Արայիկ Հարությունյանը, այնուամենայնիվ, տարեցներին, առողջական խնդիրներ ունեցողներին կոչ արեց չմասնակցել քվեարկությանը։
«Իհարկե, դա նրանց ընտրելու իրավունքն է, բայց կոչ եմ անում ռիսկի տակ չդնել նրանց առողջությունը»,- նշեց նա։
Արայիկ Հարությունյանի խոսքով՝ ընտրությունները անհնարժեշտ են, քանի որ կարիք կա ձեւավորել լեգիտիմ իշխանություն սպասվելիք ճգնաժամին դիմակայելու համար։
Նշենք, որ որ ընտրությունների երկրորդ փուլը կկայանա ապրիլի 14-ին։ Թեկնածուներից երկրորդ փուլ են անցել Արայիկ Հարությունյանը եւ Մասիս Մայիլյանը։ Մասիս Մայիլյանը կոչ է արել համավարակի պայմաններում չմասնակցել ընտրություններին։ Նա նաեւ հրաժարվել էր մասնակցելու այսօրվա հեռուստաբանավեճին։
