«ՎԱՐԿՍ ԷՅ ԷՄ»-ում պարտավորություններ ունեցող քաղաքացիների հանդեպ կկիրառվեն զիջումներ

«ՎԱՐԿՍ ԷՅ ԷՄ Լուծարվող ՈՒՎԿ» ՓԲԸ մասին Լուծարային հանձնաժողովը հայտարարություն է տարածել, որում ասվում է՝

26.03.2020 թվականին հաստատված «ՎԱՐԿՍ ԷՅ ԷՄ Լուծարվող ՈՒՎԿ» ՓԲԸ Լուծարային ծրագրին համաձայն՝ Լուծարային հանձնաժողովը որոշել է․

Այն հաճախորդները, որոնք 2020 թվականի ապրիլի 1-ի դրությամբ ունեն ժամկետանց պարտավորություններ, դրանց գծով զիջվելու են հաշվեգրված տոկոսները, միջնորդավճարները, տույժերը և տուգանքները՝ մայր գումարի ամբողջական կամ մասնակի մարում իրականացնելու դեպքում։

Այն հաճախորդները, որոնք 2020 թվականի ապրիլի 1-ի դրությամբ չունեն ժամկետանց պարտավորություններ, դրանց գծով առաջիկա երկու ամիսների ընթացքում չեն հաշվեգրվի լրացուցիչ որևէ գումարներ (տոկոսներ, միջնորդավճարներ, տույժեր և տուգանքներ): Այս հաճախորդների գծով պարտավորությունները նշված երկամսյա ժամանակահատվածում չեն դիտարկվի ժամկետանց։

Հարցերի դեպքում դիմել Լուծարային հանձնաժողովին՝ +(374 12) 700 000, [email protected].

Auroranews-ը առավել մանրամասն տեղեկատվություն ստանալու համար ցանկացավ կապ հաստատել նշված հեռախոսահամարով, սակայն համարը չպատասխանեց մեր հեռախոսազանգերին։