Ես զարմանում եմ՝ ինչ ջանասիրությամբ եք փորձում հիմնավորել այս խայտառակ օրենսդրական նախաձեռնությունը․ Մարուքյան
Ազգային ժողովի ԼՀԿ խմբակցությունը դեմ է, որ կառավարությանը տրվի հնարավորություն՝ ֆիքսելու մարդկանց հեռախոսազանգերը։ Կառավարությունը և իշխանական պատգամավորները պնդում են, որ դա հնարավորություն է տալու հետևել կորոնավիրուսի տարածմանը և միջոցներ ձեռնարկել։
«Ես զարմանում եմ՝ ինչ ջանասիրությամբ եք փորձում հիմնավորել այս խայտառակ օրենսդրական նախաձեռնությունը։ Ընդ որում՝ հիմնավորում եք էն պայմաններում, երբ ձեր ֆռակցիայի առաջարկները մերժվել են ․․․ Այսինքն «Իմ քայլի» առաջարկները մերժել է կառավարությունը, և «Իմ քայլը» եկել է, հիմնավորում է, որ սա լավ բան է», – ԱԺ այսօրվա նիստում իր իշխանական գործընկերներին դիմելով ասաց ԼՀԿ խմբակցության ղեկավար Էդմոն Մարուքյանը։
Ավելին, նա նշեց, որ առողջապահության հանձնաժողովի ղեկավարը պնդում էր, որ այս կարգավորումը զրոյական ազդեցություն է ունենալու համավարակի տարածումը կանխելու վրա։ Այս պայմաններում, ըստ Մարուքյանի, «տակը մնում է» վերահսկողությունը։
