Պատգամավորներից երկուսի մոտ կորոնավիրուսի թեստը դրական է եղել, հետո հերքվել է. Միրզոյան
Արցախի ընտրությունների հետ կապված դիտորդական առաքելության մեկնած պատգամավորները նախապես թեստավորվել են: Այս մասին այօսր Ազգային ժողովում հայտարարեց ԱԺ նախագահ Արարատ Միրզոյանը:
«Ռապիդ թեստերով 2 պատգամավորի մոտ թեստը դրական էր եղել, և նրանք անցել են կրկնակի թեստավորման, արդեն նորմալ ՊՇՌ թեստերով: Ուզում եմ պաշտոնապես հայտարարել, որ գիշերն ինձ Առողջապահության նախարարը տեղեկացրել է, որ այս կրկնակի թեստի արդյունքներն արդեն եղել են բացասական, բարեբախտաբար մեր որևէ գործընկերոջ մոտ կորոնավիրուսի առկայություն չի հաստատվել, կասկածն էլ հերքվել է: Սա կարևոր էր, որ հայտարարեի, որպեսզի նորմալ շարունակեինք մեր աշխատանքները»,- նշեց Միրզոյանը:
