100 հազար դրամ կտրվի աշխատանք չունեցող հղիներին. մանրամասներ
Կառավարությունը 100.000 ՀՀ դրամի չափով միանվագ նպաստի ձեւով աջակցություն տրամադրի աշխատանք չունեցող այն հղիներին, որոնց ամուսինն ազատվել է աշխատանքից 2020թ. մարտի 13-30-ն ընկած ժամանակահատվածում։
Աշխատանքի եւ սոցիալական հարցերի նախարար Զարուհի Բաթոյանը, ներկայացնելով նախագիծը ասաց. «Միջոցառման շահառու է հանդիսանում այն հղի կինը, ով 2020 թվականի մարտի 30-ի դրությամբ չունի աշխատանք եւ ում ամուսինն ազատվել է աշխատանքից՝ 2020 թվականի մարտի 13-ից մինչեւ մարտի 30-ն ընկած ժամանակահատվածում եւ չի անցել մեկ այլ աշխատանքի նույն ժամանակահատվածում»,- ասաց Զարուհի Բաթոյանը։
Վարչապետ Նիկոլ Փաշինյանն ասաց, որ կարող է դեպք լինել, որ այս ընթացքում հղի կնոջ ամուսինը ինչ-ինչ պատճառներով մահացել է եւ այս դեպքում՝ եւս նա պետք է օգտվի աջակցությունից:
ՄԻՊ Արման Թաթոյանը մեկ այլ դեպք նշեց, որ ասենք կինը բռնության պատճառով հեռացել է ամուսնուց, միայնակ է ապրում: Վարչապետը նկտեց, որ նման շեշտադրում պետք չի անել, որովհետեւ դա որոշակի չարաշահումներ դուռ կարող է բացել:
