Այսօրվանից ՀՀ ամբողջ տարածքում սահմանափակվում է մարդկանց ազատ տեղաշարժի իրավունքը
«Այսօր ժամը 23։00-ից ՀՀ ամբողջ տարածքում սահմանափակվում է մարդկանց ազատ տեղաշարժի իրավունքը եւ սահմանվում է անձանց պարտադիր ինքնամեկուսացում՝ իրենց բնակության կամ գտնվելու վայրում»։ Այս մասին հայտարարել է պարետ, փոխվարչապետ Տիգրան Ավինյանի խորհրդական Սուրեն Քրմոյանը:
Քրմոյանը նշել է, որ քաղաքացիները տանից պետք է դուրս գան միայն բացառիկ դեպքերում՝ կենսական անհրաժեշտությունից ելնելով՝ մթերային խանութներ, դեղատներ, գյուղատնտեսական շուկաներ գնալու համար. «Միայն բացառիկ դեպքերում, ոչ թե օրը մի քանի անգամ: Կարող են մասնակցել հոգեհանգստի արարողությունների եւ այցելել խնամքի կարիք ունեցող անձի»:
