Շտապբուժօգնության կանչերի թիվը նվազել է. Թագուհի Ստեփանյան

Եթե հունվար և փետրվար ամիսներին մենք օրական սպասարկել էինք 900-950 կանչ, այսօր սպասարկում ենք 700-750 կանչ: Այս մասին այսօր լրագրողների հետ հանդիպմանն ասաց շտապօգնության ծառայության տնօրեն Թագուհի Ստեփանյանը։

Նրա խոսքով՝  հիմնական կանչերը սիրտ-անոթային հիվանդությունների դեպքում են, երկրորդ տեղում սուր շնչառական հիվանդություններն են, երրորդում՝ վնասվածքների համար կանչերը. «Եթե համեմատում ենք սուր շնչառական հիվանդությունների թիվը հունվար-փետրվար ամիսների քանակի վիճակագրության հետ, պետք է նշեմ, որ սուր շնչառական հիվանդությունների թիվն էլ է պակասել»: