Մենք ունենք դեպք, որ ադրբեջանցի հակերները կոտրել են հայ օգտատիրոջ էջն ու փորձել են խուճապ տարածել։ Այս մասին քիչ առաջ լրագրողների հետ զրույցում ասաց ԱԺ փոխխոսնակ Ալեն Սիմոնյանը: 

Նա նշեց, որ ՔՊ նիստի ընթացքում խոսել են լրատվամիջոցների սահմանափակումների կրճատման մասին, բայց եւ հավաստիացրեց, որ այսօր իշխանությունն այնքան բաց է, որ որեւէ սահմանափակումների մասով խոսելն ու անհանգստանալն անտեղի է. «Իսկ ցենզուրան վերաբերում է կորոնավիրոուսին, եւ վերջինիս հետ կապված ամբողջ ինֆորմացիան իշխանությունը րոպեների ընթացքում տեղեկացնում է հանրությանը, ուստի կարծում եմ՝ անհանգստությունը մի քիչ ուրճացված է: Հաայաստանը մտնում է այն երկրների ցանկի մեջ, որոնք ինֆորմացիոն առումով ամենաբացն են»:

Հարցին, թե առաջիկայում խստացումներ նախատեսվու՞մ են, Սիմոնյանը պատասխանեց, որ եթե խստացում է արվում որեւէ բանի հետ կապված, պետք է արդարացված լինի։ «Մենք պետք է լինենք զգույշ, բայց միեւնույն ժամանակ մտածենք, թե ինչպես ենք շարունակելու մեր կյանքը։ Խստացումներ արվում են եւ կարվեն ըստ անհրաժեշտության, բայց դա այն ցանկալի մեթոդը չէ, որին մենք պետք է ձգտենք»,- ասաց նա։