Կառլեն Եսայանի անվան պոլիկիլինիկան Երևանի քաղաքապետարանից կստանա շուրջ 2000 բժշկական դիմակ․Սիսոյան
Auroranews-ը հայտնել էր, որ ահազանգ է ստացել Կառլեն Եսայանի անվան պոլիկիլինիկայի աշխատակցից այն մասին, որ պոլիկլինիկան բուժաշխատողներին չի տրամադրում բժշկական դիմակներ և ձեռնոցներ, որի պատճառով աշխատակիցները իրենք են իրենց համար գնում բժշկական պարագաները։
Auroranews-ի հետ զրույցում Կառլեն Եսայանի անվան պոլիկիլինիկայի տնօրեն Աննա Սիսոյանը հերքեց աշխատակցի բողոքը՝ հայտնելով, որ դիմակներ տրամադրվում են, սակայն քիչ։
«Բոլորին դիմակներ և ձեռնոցներ հատկացվում է, հիմա կա դիմակների խնդիր, դա բոլորս գիտենք, բայց Երևանի քաղաքապետարանը այսօր երեկոյան հիվանդանոցին տրամադրելու է թվով շուրջ 2000 բժշկական դիմակ։ Բոլոր աշխատակիցները ապահովված են անհրաժեշտ բժշկական պարագաներով, չգիտեմ ինչու են նման բան ասել»,-մեզ հետ զրույցում ասաց Սիսոյանը։
Սիսոյանը հայտնեց, որ պոլիկլինիկային սպասարկող կազմակերպությունը, որը մշտապես մատակարարել է բժշկական դիմակներ, այս պահին ինչ-ինչ հանգամանքներում չի կարողանում իրականացնել մշտական աշխատանքը, սակայն պոլիկլինիկան Երևանի քաղաքապետարանից կստանա անհրաժեշտ թվաքանակով դիմակներ։
