Առողջապահության նախարարությունից՝ բակում խաղացող երեխաների լուսանկարի մասին
ՀՀ առողջապահության նախարարի խորհրդական Աշոտ Սարգսյանը ֆեյսբուքյան իր էջում կիսվել է այլ օգտատիրոջ հրապարակած լուսանկարով, որում երեխաները խաղում են բակում:
Լուսանկարին կից` Սարգսյանը կատարել է հետևյալ գրառումը.
«Հարգելիներս, երբ ուսումնական հաստատությունների աշխատանքը դադարեցվում է, դա արվում է կանխարգելման նպատակով: Հասկանում եմ, որ երեխաները տանը նստած ձանձրանում են, բայց օրը մի քանի անգամ ասում ենք, հնարավորինս քիչ շփումներ պետք է լինեն: Սոցիալական պատասխանատվությունը շատ կարևոր է»:
