Թուրքիայում կորոնավիրուսով վարակման 6-րդ դեպքն է գրանցվել

Թուրքիայում Սաուդյան Արաբիայից վերադարձած տղամարդու մոտ կորոնավիրուսի ախտորոշիչ թեստի պատասխան դրական է եղել: 

РИА Новости-ի փոխանցմամբ՝ այս մասին հայտնել է Թուրքիայի առողջապահության նախարար Ֆահրեթին Քոջան:
 

Մինչ այս երկրում հայտնի էր 5 վարակվածի մասին: Նրանք բոլորը շփում էին ունեցել առաջին վարակվածի հետ, որը ժամանել էր Եվրոպայից:

Կորոնավիրուսով վարակված 6-րդ պացիենտը Թուրքիայի քաղաքացի է: Առողջապահության նախարարը կոչ է արել բոլորին Սաուդյան Արաբիայից վերադառնալուց հետո 14-օր մեկուսացվել: