Նիկոլ Փաշինյանի ու Աննա Հակոբյանի թեստի պատասխանները բացասական են եղել
ՀՀ վարչապետի տիկին Աննա Հակոբյանը ֆեյսբուքյան գրառման միջոցով տեղեկացրել է, որ կորոնավիրուսիթեստի պատասխանները եղել են բացասական:
«Սիրելի՛ հայրենակիցներ,
Այսօր առավոտյան արված կորոնավիրուսի թեստը ցույց է տվել բացասական արդյունք։
Շնորհակալ ենք ձեր նամակների, աջակցության և բարեմաղթանքների համար։
Խնդրում եմ հետևե՛ք հիգիենայի կանոններին, խուճապի մի՛ մատնվեք, կանխարգելիչ բոլոր միջոցառումներին շատ լո՛ւրջ վերաբերվեք, դրսևորե՛ք բարձր պատասխանատվություն, կատարե՛ք այն բոլոր հրահանգները, որը կստանաք Առողջապահության նախարարությունից։
Առողջություն բոլորիս և Աստված պահպանի մեր երկիրը և մեր ժողովրդին։
Սիրով՝ Աննա»,- գրել է Հակոբյան:
