Բորիս Ջոնսոնը, Ջուզեպպե Կոնտեն ու Մերկելը քննարկել են կորոնավիրուսի համավարակի հարցը
Մեծ Բրիտանիայի վարչապետ Բորիս Ջոնսոնը քննարկել է Եվրոպայում նոր կորոնավիրուսի տարածումը Գերմանիայի կանցլեր Անգելա Մերկելի և Իտալիայի վարչապետ Ջուզեպպե Կոնտեի հետ: Այս մասին ուրբաթ օրը հայտնել են Բրիտանիայի կառավարության ղեկավարի գրասենյակից:
«Ղեկավարները պայմանավորվել են ուժերի մոբիլիզացիայի անհրաժեշտության մասին, հատկապես G7 մակարդակով: Քննարկել են պատվաստանյութերի մշակման հարցում առաջընթաց գրանցելու և բռնկման հետևանքով տնտեսական ազդեցությունը նվազագույնի հասցնելու համատեղ գործողություններ ձեռնարկելու անհրաժեշտության մասին: Այս առումով նրանք սպասում են, որ G7- ի ղեկավարները հեռախոսազրույց կունենան»,- ասվում է փաստաթղթում, որը տարածվել է Ջոնսոնի Մերկելի հետ զրույցից հետո:
Կոնտեի հետ զրույցում Ջոնսոնը շեշտել է, որ կորոնավիրուսային համաճարակը «մեծ փորձություն կլինի ամբողջ աշխարհի համար, և նաև խոստացել է, որ Միացյալ Թագավորությունը կտրամադրի Իտալիային աջակցություն»: Մեծ Բրիտանիայի և Իտալիայի Կառավարությունների ղեկավարները հայտարարել են նաև «կորոնավիրուսի դեմ պայքարի թափանցիկ և գիտականորեն հիմնավորված միջոցառումների անհրաժեշտության մասին»:
