Նոր տեսակի կորոնավիրուսի տարածումը Չինաստանում սկսվել էր դեռևս նոյեմբերի 17-ին, ոչ թե դեկտեմբերին

Կորոնավիրուսային նոր տեսակի վարակի առաջին դեպքը տեղի է ունեցել Չինաստանում նոյեմբերի 17-ին, և ոչ թե դեկտեմբերին, ինչպես հրապարակում են Չինաստանի իշխանությունները: Այս մասին հայտնում է South China Morning Post թերթը: 

Լրագրողների տրամադրության տակ է հայտնվել փաստաթուղթ, որից հրատարակությունը ենթադչում է, որ նոր հիվանդությամբ վարակված առաջին անձը կարող էր լինել Հուբեյի նահանգի 55-ամյա բնակիչ, բայց նրա կարգավիճակը որպես զրոյական հիվանդ, այսինքն ՝ առաջին վարակվածը, դեռևս պաշտոնապես հաստատված չէ: 

Այսօր աշխարհում կորոնավիրուսով վարակվածների թիվը շարունակում է աճել և արդեն հասել է 131,621-ի: Հայաստանում հաստատվել է կորոնավիրուսով վարակման 6 դեպք: