Նիկոլ Փաշինյանն ու Աննա Հակոբյանն ինքնամեկուսացվել են
Քիչ առաջ վարչապետ Նիկոլ Փաշինյանը ֆեյսբուքյան ուղիղ եթերում հայտնեց, որ ինքն ու Աննա Հակոբյանը կորոնավիրուսի տեստ են անցել, չնայած որ վստահ են իրենց մոտ վիրուս չկա: Նիկոլ Փաշինյանն ընտանիքով մեկուսացել է Սեւանի առանձնատանը:
«Երեկվանից անհանգստացած էինք, քանի որ Բրազիլիայի նախագահի օգնականներից մեկի մոտ հաստատվել էր կորոնավիրուս, նախագահը նույնպես տեստ է հանձնել եւ սպասում է պատասխանի։ Երեկ մենք այդ մասին իմանալով, որոշեցինք ինքնամեկուսացվել։ Այսօր երեկոյան, Սևանի ճանապարհին իմացանք, որ Բրազիլիայի նախագահի տեստը դրական է եղել։ Մարտի 7-ին Աննան հանդիպում է ունեցել Բրազիլիայի նախագահի տիկնոջ հետ, թարսի նման ողջագուրվելով է լուսանկարվել։ Առաջինը ճափեցինք մեր ջերմությունը, չունեինք ջերմություն։ Բայց դրանից հետո հերքվեց Բրաիզլիայի նախագահի վարակված լինելու տեղեկությունը։ Բայց մենք առայժմ մեկուսացված կմնանք, վաղն առավոտյան տեստ կհանձնենք՝ համոզվելու համար, որ ամեն ինչ կարգին է: Մեր թեստի պատասխանները վաղը կլինեն: Ինչ էլ լինի ձեզ կհայտնենք: Չնայած, որ մասնագետների հետ նախնական քննարկմամբ` գրեթե զրոյական է, որ մեր տեստի արդյունքները դրական կլինեն»,- նշեց Փաշինյանը:
Սիրում ենք բոլորիդ, հպարտանում ենք բոլորովդ, բայց չենք համբուրում, քանի որ կորոնավիրուսի ժամանակներ են: Ուղիղ եթերն այս խոսքերով ավարտեց Նիկոլ Փաշինյանը և բոլորին առողջություն մաղթեց:
