Բանկային և վարկային կազմակերպությունները հաճախորդներին «վարկային արձակուրդ» են տրամադրել
Կորոնավիրուսի կանխարգելման նպատակով, ինչպես նաև խուսափելով բանկի մասնաճյուղերում մարդկանց կուտակումներից` Ամերիաբանկը որոշում է կայացրել բանկի բոլոր ֆիզիկական անձ հանդիսացող հաճախորդներին 2 ամսով «վարկային արձակուրդ» տրամադրել:
Ֆիզիկական անձ և անհատ ձեռնակատեր հանդիսացող բոլոր անձինք մինչև մայիսի 13-ը ներառյալ նախատեսված իրենց վարկերի հերթական մարումները (թե մայր գումարները, թե հաշվեգրված տոկոսները) կարող են չանել առանց որևէ բացասական հետևանքի:
Վարկերի տոկոսադրույքները կվերահաշվարկվեն և կբաշխվեն վարկերի մնացած ամիսների վրա` համաձայն նոր կազմված ժամանակացույցի։
Նման գործելաոճով էլ կաշխատի Մոգո ՈՒՎԿ-ն։ Կազմակերպությունը հայտարարություն է տարածել, ներկայացնում ենք այն ամբողջությամբ ստորև։ Մոգո ՈՒՎԿ կարևորելով սոցիալական պատասխանատվությունը, ավտովարկ վերցրած քաղաքացիներին առաջարկում է անհրաժեշտության դեպքում վերանայել վարկերի գրաֆիկները՝ մարտ ամսվա մարումները տեղափոխելով ապրիլ ամիս՝ առանց լրացուցիչ վճարների: Այս մասին տեղեկացնում է Մոգո կազմակերպության ֆեյբուքյան էջը:
«Ընդ որում, հաշվի առնելով կորոնավիրուսի տարածման կանխարգելման միջոցառումները՝ վերակառուցումը հնարավոր է իրականացնել հեռախոսազանգի միջոցով»,- նշված է գրառման մեջ:
