Հուղարկավորեցին հակառակորդի կրակոցից զոհված պայմանագրային զինծառայող Զոհրաբ Սիանոսյանին
Մարտի 10-ին Նախիջեւանի հետ սահմանին հակառակորդի կրակոցից զոհված, պայմանագրային զինծառայող, 36–ամյա Զոհրաբ Սիանոսյանին այսօր՝ մարտի 12-ին, Արարատի մարզի Փոքր Վեդի համայնքում հուղարկավորեցին՝ զինվորական կարգով։
NEWS.am-ի հետ զրույցում Փոքր Վեդի համայնքի ղեկավար Նորիկ Մարտիրոսյանն ասաց, որ հուղարկավորությանը մասնակցում էին նաեւ գեներալներ ու գնդապետներ։
Նշենք, որ Զոհրաբը երկու մանկահասակ դուստրերի հայր էր՝ 2 եւ 4 տարեկան։
Զոհրաբը ծնողների ավագ որդին էր, նրա կրտսեր եղբայրն արտագնա աշխատանքի է մեկնել, ինքն էլ մի քանի օր առաջ էր անցել պայմանագրային ծառայության։
Ավելի վաղՊաշտպանության նախարարությունը տեղեկացրել էր, որ մարտի 10–ին ժամը 15:30-ի սահմաններում, հարավարեւմտյան հատվածում տեղակայված ՊՆ N զորամասի պահպանության շրջանի մարտական դիրքի ուղղությամբ հակառակորդի կողմից արձակված կրակոցի հետեւանքով կրծքավանդակի շրջանում մահացու հրազենային վնասվածք է ստացել պայմանագրային զինծառայող, շարքային Զոհրաբ Գրիգորիի Սիանոսյանը (ծնվ. 1994թ., Արարատի զ/կ): Այս մասին հայտնում է ՊՆ լրատվական ծառայությունից։
Դեպքի հանգամանքները պարզելու նպատակով կատարվում է քննություն:
