Թեհրանը համաձայնել է Կիևին հանձնել կործանված Boeing-ի սև արկղերը
Թեհրանը համաձայնել է Կիևին հանձնել կործանված Boeing-ի սև արկղերը: Այս մասին հայտնել է Կանադայում Ուկրաինայի դեսպան Անդրեյ Շևչենկոն:
Նրա խոսքով՝ Մոնրեալի Քաղաքացիական ավիացիայի միջազգային կազմակերպության խորհրդում այս մասին հաստատել է Իրանի ներկայացուցիչ Ֆարհադ Փավարեշը: Եթե անհրաժեշտ լինի լրացուցիչ փորձաքննություն, սև արկղերը կփոխանցվեն Ֆրանսիային: Իրանի իշխանությունները ավելի վաղ հայտարարել էին, որ սև արկղերի վերծանումը տեղի կունենա Իրանում:
Հիշեցնենք, որ Ուկրաինական ավիաուղիներին պատկանող ինքնաթիռը կործանվել էր Թեհրանում հունվարի 8-ին: Անձնակազմի բոլոր անդամներն ու ուղևորները` 176 հոգի, զոհվել են:
