Հուսամ, երբ քաղաքապետը վերադառնա Հայաստան, կպատասխանի այս հարցին. Դավիթ Խաժակյան

Քաղաքացին զանգահարել է «Լույս» խմբակցության ղեկավար Դավիթ Խաժակյանին եւ հարցրել՝ ինչպես է լինում, որ հեռուստացույցով հայտարարում են կանաչապատ տարածքների ազատման մասին, իսկ իրականում այգու մեջ նոր շինթույլտվություն են տալիս: Այս մասին ֆեյսբուքյան իր էջում գրել է Դավիթ Խաժակյանը։

Նա, մասնավորապես, գրել է.

«Չորս ամիս առաջ օղակաձեւ զբոսայգում նկատեցի շինարարական աշխատանքներ` Մանկավարժական համալսարանի դիմաց: Մոտեցա, նկարեցի նախագիծը եւ հիշեցի, որ դա երբեմնի «Բոչկայի» տարածքում է արվում:

Չմտաբերեցի արդյոք այն բետոնի հիմքի վրա էր թե՞ ոչ, բայց որոշեցի հարցը չբարձրաձայնել: Ճիշտ է, ստացվում է զբոսայգու մեջ տրվել է նոր շինթույլտվություն, բայց արդեն կանխատեսում էի, որ իմքայլականները կմեկնաբանեն, որ սա նախկինի մեղքն է, իսկ իրենք պարզապես նույն տարածքի վրա տվել են նոր շինթույլտվություն:

Այսօր մի քաղաքացի զանգահարեց եւ դժգոհեց այդ շինարարությունից: Հարցնում էր այդ ո՞նց է լինում, որ հեռուստացույցով հայտարարում են կանաչապատ տարածքների ազատման մասին, իսկ իրականում այգու մեջ նոր շինթույլտվություն են տալիս: Հուսամ, երբ քաղաքապետը վերադառնա Հայաստան, կպատասխանի այս հարցին»։