Երեկ Միլանից և Հռոմից Երևան ժամանած ուղևորները ներկա պահին գտնվում են իրենց տներում՝ կարանտինի մեջ, Aysor.am-ի հետ զրույցում տեղեկացրեց ՀՀ առողջապահությա նախարարության մամուլի խոսնակ Ալինա Նիկողոսյանը։

«Վերադարձած անձանց Զվարթնոց օդանավակայանի տարածքից դուրս են բերել հատուկ ավտոբուսներով, այսինքն՝ տաքսու վարորդների հետ շփումներ չեն եղել։ Այս պահին ինքնամեկուսացման գործընթաց է կազմակերպված», - ասել է նա։

Նիկողոսյանը ընդգծեց, որ Միլանից և Հռոմից երեկ վերադարձած անձանցից որևէ մեկը գանգնատներ չունի, լինելու դեպքում նախարարությունը լրացուցիչ կհայտնի։

Հիշեցնենք, որ երեկ Միլանից և Հռոմից Երևան վերադարձած քաղաքացիներից ոչ մեկի մոտ վարակիչ հիվանդություններին բնորոշ ախտանշաններ՝ ջերմություն, տենդ, հազ, չի արձանագրվել։