Սրտի վիրահատության ենթարկված 4,5-ամյա Անգելինան հետվիրահատական բարդ շրջանում է. այցելել է նախարարը
ՀՀ առողջապահության նախարար Արսեն Թորոսյանն այսօր առավոտյան այցելել է Նորք-Մարաշ ԲԿ՝ ծանոթանալու նախօրեին վիրահատված փոքրիկ Անգելինայի առողջական վիճակին և կատարված միջամտության մանրամասներին։
Նախարարն իր ֆեյսբուքյան էջում գրում է, որ վիրահատող բժիշկները ներկայացրել են այս իրապես ունիկալ և բարդ վիրահատության ընթացքը և այլ մասնագիտական մանրամասներ։
«Ուրախ եմ, որ մեր երկրում նման բարդ վիրահատություն է կատարվել։
Անգելինան այս պահին գտնվում է հետվիրահատական բարդ շրջանում, որը հուսով եմ կհաղթահարի։ Առողջություն եմ ցանկանում նրան և կրկին անգամ շնորհակալություն բոլորին այս ամենը կյանքի կոչելու համար»,-գրել է նախարարը:
