Կորոնավիրուսն ու կլիմայական պայմանները. ինչպես է վիրուսն ավելի արագ տարածվում

Նոր տռսակի COVID-19 կորոնավիրուսը, ամենայն հավանականությամբ, տարածվում է համեմատաբար ցուրտ կլիմայական պայմաններում ՝ 9 աստիճան տաքության պայմաններում: Այսպիսի եզրակացություն են եկել Չինաստանի Սյուն Յատսեն համալսարանի գիտնականները  հայտնում է South China Morning Post-ը: 

Հետազոտողները ուսումնասիրել են հիվանդության վարակվելու մեծ թվով դեպքերը և վերլուծել, թե ինչպես է եղանակային և կլիմայական պայմաններն ազդում վիրուսի տարածման վրա: Վերլուծությունը ցույց է տվել, որ վարակի դեպքերի թիվն աճել է միջինում +8,7 ջերմաստիճանի պայմաններում, այնուհետև նվազել է: Գիտնականների զեկույցում ասվում է, որ վիրուսը շատ զգայուն է բարձր ջերմաստիճանի նկատմամբ, ինչը կարող է խանգարել դրա տարածմանը տաք երկրներում: Հտևաբար, վիրուսն ավելի արագ կտարածվի ցուրտ երկրներում: Գիտնականները եկել են այն եզրակացության, որ ավելի ցածր ջերմաստիճան ունեցող երկրները և տարածաշրջանները պետք է խստագույն միջոցներ ձեռնարկեն հիվանդությունը կանխելու համար: 

Նշվում է, որ առողջապահական կազմակերպություններն ակնկալում են, որ COVID-19-ը ավելի քիչ վարակիչ կդառնա տաք սեզոնի սկիզբի հետ, ինչպես դա տեղի է ունենում մրսածության և գրիպի դեպքում: 

Միևնույն ժամանակ, Հարվարդի համալսարանի մի խումբ գիտնականների և համաճարակաբան Մարկ Լիփիչի կողմից անցկացված առանձին ուսումնասիրությունը ցույց է տվել, որ կորոնավիրուսը կարող է արագ փոխանցվել տարբեր կլիմայական պայմաններում` հյուսիսային Չինաստանի ցուրտ և չոր տարածքներից մինչև արևադարձային շրջաններ (օրինակ, Սինգապուր):